Parlamenti ne një seancë të tensionuar ka zgjedhur me 69 vota pro dhe 2 kundër Kryeprokuroren e Përgjithshme të Përkohshme.

Pavarësisht kundërshtimit të opozitës Arta Marku do të zërë postin e Adriatik LLallës të cilit tashmë i ka përfunduar mandati.

Ajo e hodhi kandidaturen e saj bashkë me 6 prokurorë te tjerë për ti zënë vandin Llallës dhe siç duket i plotësonte te gjitha kriteret qe kishte percaktuar mazhoranca për një Prokuror të përkohëshëm

Por kush është Arta Marku?

Kryeprokurorja e Përgjithshme e Përkohshme është diplomuar si juriste në vitin 1999 në Fakultetin e Drejtësisë në “Universitetin e Tiranës”.Në vitin 2002 ka përfunduar studimet në Shkollën e Magjistraturës ,Tiranë.

Nga viti 2003 dhe në vijim është trajnuar brenda dhe jashtë vendit nga institucione akademike si Shkolla e Magjistraturës,Universiteit i Gjenevës,Fakulteti i Drejtësisë ,TAIEX,OPDAT etj.Arta Marku ka punuar si prokurore në Prokurorinë e Rrethit Gjyqësor Fier për dy vite në periudhën 2001-2002.

Nga viti 2002 dhe vazhdim është emëruar prokurore në Prokurorinë e Rrethit Gjyqësor Shkodër.Ndërkohë në Prill 2009-Janar 2016 ka ushtruar detyrën e zv.drejtueses të njësisë së përbashkët Hetimore për hetimin e krimit Ekonomik dhe Korrupsionit në Prokurorinë e Rrethit Gjyqësor Shkodër.

Gjatë viteve 2010-2014 Arta Marku ka punuar si Pedagoge në Universitetin Gjon Buzuku në Shkodër.Marku e ka nisur karrierën e saj në kohën kur kryeprokuror në Shkodër ishte Ulsi Manja, ndërkohë që prej 16 vitesh dosjet e hetuara prej saj dhe të përfaqësuara në Gjykatë kanë qenë fare të pakta.

Një ndër to është dosja ndaj pedagogut Fran Qafa, i cili më pas mori pafajësinë në Gjykatë.Kryeprokurorja është e martuar dhe ka 2 vajza./Syri.net/